Clàr, 2003. 234 duilleag.

Saltire Society FIRST BOOK OF THE YEAR 2003.

Seo leabhar o sgrìobhadair òg, ùr, is raon farsaing ga ghabhail a-staigh anns na h-ochd sgeulachdan deug - ann an tìm, ann an àiteachan agus ann an caitheamh-beatha.
On t-saighdear a' falbh dhan Chogadh Mhòr sa chiad sgeulachd gu saoghal nam fònaichean-laimhe anns an tè mu dheireadh, gheibhear sealladh air mòran dhòighean-beatha, sean is ùr. Co-dhiù a tha iad an Aldershot, Uibhist a Deas, Glaschu, Nicaragua no ceàrnan eile, tha pearsachan nan sgeulachdan gan sealltainn le eagnaidheachd is co-fhaireachdainn - agus le fealla-dhà cuideachd.

Seo sgrìobhadair as urrainn a bhith an dà chuid drùidhteach is eirmseach, tro chumhachd a mhic-meanmna is a chomas san dà chànain. Gille beag air cheann-gnothaich duilich, Colina a' suirghe an Glaschu, Coinneach, Maighread is Brìd a' feuchainn ri ath-aithne fhaighinn air a chèile, is mòran eile - tha an eachdraidhean fhèin aca uile, is bheir iad fìor thlachd dhan leughadair.

Tha an leabhar seo cuideachd ri fhaighinn mar leabhar-èisteachd

"Guth deas-labhrach, deatamach, ùr a tha seo, anns a' Ghàidhlig, ann an litreachas, nar latha. Chan eil tionndadh duilleig ann nach dean tionndadh sàsachail air mac-meanmna an leughadair."
Aonghas MacNeacail