Duaisean nan Sgrìobhadairean Ùra 2019 - Na Sgrìobhadairean

Duaisean nan Sgrìobhadairean Ùra 2019 - Na Sgrìobhadairean


June Ghreumach

’S e oide air-loidhne aig Colaiste a’ Chaisteil ann an Steòrnabhagh a th’ ann an June Ghreumach. Tha i air a bhith a’ sgrìobhadh ficsean sa Bheurla o bha i na deugaire agus b’ ann an dèidh dhi Gàidhlig ionnsachadh a thòisich i air sgeulachdan cloinne a chruthachadh sa chànan sin cuideachd.

Tha sgeulachdan goirid le June air nochdadh air-loidhne agus ann an diofar irisean, agus tha i air aithrisean neo-fhicsean a sgrìobhadh sa Ghàidhlig airson Cothrom, stèidhichte air a beatha ann an Canada agus san Eilbheis far an robh i ag obair mar neach-saidheans. Tha i air leth toilichte an cothrom seo fhaighinn airson a bhith ag obair air a cuid sgrìobhaidh. 


Cliog an seo airson earrann bho aon de na sgeulachdan goirid aig June.



Liam Alastair Crouse

Tha Liam Alastair Crouse a’ fuireach ann an Uibhist a Deas, far a bheil e ag obair na oifigear conaltraidh Gàidhlig aig Ceòlas Uibhist. Thòisich e a’ sgrìobhadh bàrdachd nuair a bha e na oileanach a’ dèanamh ceum ann an Ceiltis aig Oilthigh Dhùn Èideann.

Tha grunn phìosan bàrdachd le Liam air nochdadh ann an irisean, leithid Cabhsair, Dàna, Northwords Now agus Poblachd nam Bàrd. Bidh e a’ sgrìobhadh colbh airson STEALL agus a’ co-dheasachadh na h iris Ghàidhlig an cois Life and Work agus Danamag.org.

Tha Liam air a dhòigh an duais seo fhaighinn airson cothrom leantail ann an ceumannan chàich a fhuair i thar nam bliadhnaichean.
 

Cliog an seo airson pìos bàrdachd le Liam.


Chaidh seo ùrachadh air 4 Gearran 2019

A'chuairt-litir

* Post-d:

* Ainm:

* Sloinneadh: